أولادنا هيحبوا القراءة

إننا نكون عند الأطفال عادة حب القراءة . أمر مش سهل وفي نفس الوقت مهم جدااااااااااااااا

طبعا كلنا عارفين أهمية القراءة :

هي أول طريق لطلب العلم والثقافة

وهي منهج العلماء والأئمة والأدباء والشعراء والمتفوقين والمتميزين

أئمة العلم كانوا يقرأوا بالساعات الطويلة ، وأحيانا كانوا بيطلبوا من يقرأ عليهم وهم في الخلاء ( قيمة الوقت )

بس ياترى إحنا فعلا شعب لا يقرأ ..............!!!!!!!

رسائل سلبية ، لكننا بنقول غير كده الحمد لله القراءة عادة محببة لكثير من الناس وإن شاء الله هتكون عادة محببة لأولادنا

لكن ........ في حاجة مهمة لازم الوالدان يكونوا بيحبوا القراءة علشان أولاهم يتعلموها ويحبوها ( القدوة )

بس للأسف بقى في حاجات تانية حلت محل القراءة التليفزيون ، الكمبيوتر ، ألعاب البلاي ستيشن ، الفديو جيمز مين هيقرأ ويسيب الحاجات دي ؟!

ده حتى الكبار ، إنشغلوا بيها عن القراءة

لكن ... الخير باق في وفي أمتي لسه في ناس كتير بتقرأ في ناس عندهم القراءة حاجة أساسية ، زي الاكل والشرب كده

وعلشان ننمي حب القراءة عند الابناء محتاجين تضافر بين الوالدين والهيئات والمؤسسات

طيب نشوف شوية نصائح

1- الحث الدائم على القراءة ، طبعا مع توضيح فوائدها وأثرها . يعني ترغيب الأطفال فيها ، ممكن نتبع معاهم اسلوب البرمجة عن طريق الرسائل الايجابية وحدوته قبل النوم

2- تقديم مكافئات للطفل على القراءة ( دور الأفراد ) ، وتشجيع رواد المكتبات في المدرسة ( دور المؤسسات )

3- المكتبة المنزلية ، مهمة جدا لازم يكون في مكتبة للطفل ، ويكون مسؤول عنها ( اختيار الكتب مع الوالدين ، تنظيم المكتبة وترتيبها )

4- تخصيص مكان مريح للقراءة في المنزل ........ المكان ده هيعمل حاجة بيسموها ( إرتباط ) والطفل كل مايشوف المكان هيفتكر القراءة

5 - القراءة مع الطفل : في البدايات لسببين ( أخذ القدوة ، تعلم القراءة )

6- ياريت نركز على جزء عدم الإجبار ، بلاش نجبر الطفل على القراءة ، لكن ممكن نحببه فيها ونقنعه بيها

7- زيارة المكتبات العامة أو معرض الكتاب طبعا بإصطحاب الأطفال ، المهم نخلي الكتاب حاجة مهمة عند الطفل .

8- الإستماع للطفل وقت القراءة : يعني نخلي الطفل يقرأ بصوت عالي ونسمعه كنوع من التشجيع .

9- ممكن نشجع الطفل بطرق تانية ، عن طريق إننا نخليه يقرأ بعد كده نسأله عن ( الدرس المستفاد ، كمة تبدأ بحرف كذا ، أي سؤال )

طبعا الموضوع محتاج صبر وبال طويييييييييل

ولإبن الجوزي مقاله جميلة جدا بيقول فيها

تأملت عجباً، وهو أن كل شيء نفيس خطير يطول طريقه، ويكثر التعب في تحصيله

أراكم على خير

لو في موضوع معين أو مشكلة عايزي نتكلم فيها ياريت تقولوا

مع تحيات

فريق أولادنا أمانة